激光矯視

最近有不少報導激光矯視的失敗個案或手術後的後遺症. 我都有做過這項矯視手術, , 最近也有朋友問我有關資料, 我也在此講吓.

我原是屬於深度近視加散光, 除下眼鏡, 很近距離的東西也看不清.戴有框眼鏡, 夏天出入冷氣地方或下雨天都好煩,加上深近視, 鏡片又重又厚鼻樑上長期留下深深的眼鏡印.

戴contact lenses呢 , 又要非常清潔, 眼睛很容易發炎, 還有如果長期戴, 眼晴又缺氧起紅根及導致血管增生問題.

其實知道有激光矯視手術, 已心大心細的好想做, 但同時又聽到反面的資料. 後來自己收集手術資料及衝量各項風險後, 還是把心一横決定幹.  另外因為有朋友陪我一同做此項手術,所以冇咁驚!

我決定做手術前, 分別出席過兩個不同手術機購的講座及確保明白整個手術過程. 當然不是人人也適合做這項手術的, 做手術前有詳細查. 我的朋友因為眼角膜唔夠厚就不能做. 因為手術要磨去眼角膜部分, 近視越深要磨去眼角膜部分越多, 角膜太溥,又會容易出現其他病變!

手術過程

手術分兩部分, 首先瞓上手術床, 用激光打開兩眼角膜表面, 制作角膜瓣, 之後起身等約十分鐘, 好似係叫等眼角膜表面氣泡消失, 姑娘會檢查兩眼 如果OK, 再次瞓上手術床, 揭開先前用激光打開的角膜表層, 在下面作打磨 (左右眼分開先後打磨), 打磨時, 醫生會在旁不斷提你不要轉動眼球.  我做右眼時眼定定冇比醫生話, 但做左眼時有比醫生話”你隻眼望咗去邊呀!”幾次. 手術後結果係左眼留下五十度近視, 右眼冇近視但留有部份散光. 個案算成功!

基本上成個手術過程在半小時內完成.  之後姑娘叫你在一間房等十多分鐘左右, 如冇問題就可以同家人離開.

手術後

手術當晚食飯時睇電視已清楚, 但當日基本上要令眼睛休息, 唔瞓都要合上眼休息. 還有瞓覺時一定要帶上手術後給你的眼罩保護眼睛一段日子, 另外要定時滴眼葯水, 眼睛不能沾水因為會發炎就好麻煩! 約個多月後角膜埋好口先可以用普通水洗面,之前用distilled water洗, 又洗得就住就住, 所以就在面上長豆豆了. 洗頭也要超小心不能有水入眼!

如果我冇記錯, 於手術後第二日,一星期, 一個月, 三個月, 半年內都要覆診.  手術後我的眼白完全充血, 大概等十天左右先回復正常.  但跟我一同做手術的朋友就沒有出現我的充血問題.

手術後的問題

眼晴比手術前乾, 初期日日要用人工淚水 (我本來是淚水多的人, 打個欠呵都一行淚), 後期淚水多番就不用靠人工淚水.  但手術後明顯淚水比之前少. 我認識的友人中有長期用人工淚水改善眼乾問題.

夜間在光線不充足或較暗的地方, 我的視力跌到得番七成.

手術後初期, 晚上睇見車頭大燈, 就如看見幾千卡鑽石閃住你的雙眼, 十分不習慣, 但之後都適應了這問題!

我做手術的名稱叫Lasik+ intralase surgery. 始終做任何手術都有風險, 自己要小心衝量值唔值得做喇! 我因為是深度近視,感覺如果手術不太完美, 但手術後視力較之前好都還可接受, 當然可能還有其他後遺症現在還不知道吧!